FIFA shpall tre finalistët për çmimin që sfidon “Topin e Artë”

Antuan Grizman i bashkohet Kristiano Ronaldos dhe Leo Mesit mes tre finalistëve për “The Best FIFA Men’s Player Award”, çmimin me të cilin “qeveria” botërore e futbollit rivalizon “Topin e Artë” për futbollistin më të mirë të vitit.

Finalistët u përzgjodhën mes 23 kandidatëve në listën paraprake që qe shpallur më 4 nëntor.

Sikurse treshja finaliste, edhe fituesi do të përzgjidhet nga një votim i kombinuar, ku gjysmën e peshën e zënë kapitenët dhe trajnerët e kombëtareve anëtare të FIFA-s, kurse gjysma tjetër do të ndahet mes votave të publikut dhe atyre të mbi 200 gazetarëve nga mbarë bota.