FOTO/ Gruaja që dyshohet për vrasjen e burrit, kapet me pushkë

Një grua u arrestua sot në Krujë pasi u kap me një armë zjarri pa leje ndërkohë që vet ishte hetuar kohë më parë për vrasjen e të shoqit.

Në pranga është vendosur Ahmedie Krashi, 61 vjeçe, banuese në Krujë. Arrestimi i është bërë sepse gjatë kontrollit të ushtruar në banesën e saj u gjetën dhe u sekuestruan në cilësinë e provave materiale: një pushkë, model 56 dhe 6 copë fishekë, model 56 , të cilat i mbante pa leje.

Kjo grua ka qenë e dyshuar për vrasjen e bashkëshortit të saj, ngjarje për të cilën aktualisht ndodhet i arrestuar djali i saj.

Dosja i ka kaluar Prokurorisë së Krujës për veprën penale “Prodhimi dhe mbajtja pa leje e armëve luftarake dhe e municionit”.