Gjoka: Më kënaq edhe barazimi, Skënderbeu na hoqi presionin

Trajneri i Kukësit, Ernest Gjoka, ka dalë ditën e sotme në konferencë për shtyp në kuadër të takimit të radhës në Kategorinë Superiore ndaj Partizanit. Ai është shprehur se në një ndeshje si kjo do ishte i kënaqëur me çdo rezultat pozitiv, edhe pse ekipi i tij do të futet në fushë për fitore. Ndërkohë Gjoka pranoi se hapi fals i

Ndeshja – “Ndaj Partizanit është një takim shumë i rëndësishëm, pasi luajmë përballë një kundërshtari direkt dhe kërkojmë të marrim maksimumin. Do të jetë një ndeshje shumë e bukur dhe e luftuar. Kemi punuar fort që në fund rezultati të anojë në anën tonë”.

Rezultati – “Një sfidë e tillë i ka të gjitha rezultatet brenda dhe do të isha i kënaqur me çdo rezultat pozitiv. Kukësi do të luajë për të marrë fitoren në këtë sfidë”.

Transferta – “Nuk e kemi problem faktin që luajmë në transfertë. Tifozët e Partizanit do të kthehen dhe kjo është pozitive për të gjithë, pasi futbolli për të kënaqur fansat luhet”.

Ndalja e Skënderbeut – “Mendoj se për të dy skuadrat sjell qetësi dhe nuk na fut në trysni”.

Pejiç – “Në ndeshjen ndaj Laçit humbi disa raste, por nuk më shqetëson, pasi ka shënuar shumë të tjerë. Ai është lokomotiva e ekipit tonë dhe për këtë jemi të bindur të gjithë”.