Italia e interesuar të investoj në Kosovë

Ministri i Infrastrukturës, Lufti Zharku sot ka pritur në takim ambasadorin italian në Kosovë, Piero Cristofoto Sardi dhe zëvendësambasadorin italian, Matteo Corradini me të cilët kanë biseduat për marrëveshjet bilaterale ende të panënshkruara dhe për interesimin e disa kompanive italiane për të investuar në Kosovë

Sot, ministri i Infrastrukturës, Lutfi Zharku, priti në takim ambasadorin Italian në Kosovë, Piero Cristoforo Sardi dhe zëvendësambasadorin italian, Matteo Corradini.

Në këtë takim u bisedua për marrëveshjen ende të panënshkruar bilaterale për transportin e udhëtarëve dhe të mallrave, e cila pritet të ratifikohet nga Parlamenti dhe Senati italian.

Ministri Zharku kërkoi rritjen e kontigjentit të lejeve të transportit derisa të aprovohet kjo marrëveshje.

Ndër të tjera, ambasadori italian njoftoi ministrin Zharku për shprehjen e interesimit nga disa kompani italiane për të investuar në sektorin e infrastrukturës hekurudhore në Kosovë. /