Karabeci pas kartonit të kuq: Derbi i sotëm si një stërvitje

Kapiteni i Tiranës, Erando Karabeci nuk e mbylli mirë derbin kundër Partizanit pasi u ndëshkua me kartonin e dytë të verdhë duke lënë skuadrën e tij me 1 lojtar më pak.

Në një intervistë pas ndeshjes për “Supersport”, Karabeci theksoi se 30 minutëshi i luajtur sot ishte më shumë si një stërvitje sesa një derbi i luftuar.

“30 minutësh i sotëm nuk ishte një derbi por si një stërvitje pasi lojtarët kanë nevojë për kohë që të krijojnë aksione të shumta. Ky derbi nuk do ndikojë në lodhjen për ndeshjet e fundjavës pasi kemi edhe dy ditë pushimi deri sfidën e së dielës kundër Kukësit”, përfundoi Karabeci.