Kërcënimi i ministrit grek, Dule: Miqësia mes dy popujve s’prishet nga politikanët

Kreu i PBDNJ-së, Vangjel Duke i cili javë më parë u përplas në Kuvend me kryeministrin Rama për prishjen e ndërtimeve në Himarë, ka reaguar sot për deklaratat kërcënuese të ministrit grek të Mbrojtjes, Panos Kammenos, i cili nga pika kufitare e Molivdoskepasti, në kufi me Shqipërinë tha se “Greqia nuk mund të pranojë sfida dhe referenca që ndikojnë në historinë dhe të drejtën ndërkombëtare”.

Për Dulen, deklaratat e tij duhet të shihen vetëm si politike, ndërsa shtoi se ato nuk mund të prishin miqësinë që ekziston mes dy popujve

“Më shumë se kurrë, kur ka deklarata që mund të kalohen vijat tradicionale, dëshmohet se moqësia mes dy popujve është e pandikuar nga politikanët. Nuk ka popuj si ne, me fije kaq të shumta miqësie. Ky është angazhimi im dhe i PBDNJ-së për forcim marrëdhëniesh”,- tha Dule.

Kreu i PPBDNJ-së e cilësoi Greqinë si avokatin e Shqipërisë për në NATO dhe BE, ndërsa akuzoi kryeministrin Rama se po tenton të eklipsojë rolin e shtetit fqinjë. “Në BE nuk veprohet në mënyrë të njëanshme. Uroj të kemi vendim në dobi të vendit tonë, edhe pse si kemi kryer detyrat e shtëpisë në nivelin e duhur. Rilnidja reflekton qëndrimet individuale të Ramës”, tha ai.