Koalicion me 3 drejtues. Meta i përgjigjet Ramës

Në studion e emisionit “Të paekspozuarit” kryetari i Kuvendit, Ilir Meta u pyet se çfarë mendonte për një deklaratë të kryeministrit Rama se pas zgjedhjeve e majta do të ketë një koalicion me tre bashkëdrejtues.

Meta tha se kjo është diçka pozitive për të rritur rolin vendimmarrës në koalicion, për të rritur kolegjialitetin.

“Unë dhe Ilir Meta nuk i bëjmë presion njëri-tjetrit. Unë jam shpresëplotë që shqiptarët do të na japin një mandat të dytë qeverisës. Unë parashikoj që pas zgjedhjeve të ardhshme të jemi 3 bashkëkryetarë, duke nënkuptuar Ilir Metën, Shpëtim Idrizin dhe Edi Ramën. Mes meje dhe Metës ka komunikim të vazhdueshëm dhe ndërveprim të të gjitha veprimeve.” theksoi kryeministri Rama në fjalën e tij në emisionin “Top Story”.