Kokainë për Krishtlindje, shqiptarët kapen me 2 milionë euro drogë

Një sasi e madhe kokaine është sekuestruar mëngjesin e sotëm policia italiane dhe në pranga mësohet se janë vendosur dy shqiptarë.

Bëhet fjalë për një aksion policor të zhvilluar në Arezo të Italisë, shkruan SYRI.net.

7 kilogramë kokainë është sasia e kapur, ndërsa policia tha se në pranga janë vendosur dy shqiptarë të moshave 25 dhe 42 vjeç.

Sipas policisë italiane, nëse kjo drogë do të shitej në treg me doza, vlera e saj shkonte në 2 milionë euro.

Droga mësohet se ishte duke u bërë gati për tu shitur në këtë zonë përgjatë festave të fundvitit. /