Krimet në familje/ Tahiri: Politika të lërë denglat të mos promovojë dhunën

Ministri i Brendshëm, Saimir Tahiri, ka reaguar në lidhje me rastet e fundit të krimit në familje të ndodhura në Korçë dhe Fier.

Ministri Tahiri ka kërkuar që gjithë shoqëria të jetë më e vemendshme ndaj këtij fenomeni. “Dhuna në familje është problem madhor. Ngjarjet e fundit janë tronditëse për mua si prind dhe për të gjithë prindërit, si familjar, qytetar por edhe për detyrën që mbaj”, tha Tahiri. “Na duhet të kemi individ dhe komunitet që të raportojnë menjëherë dhunën”, vijoi ai.

Duke ju referuar rasteve të dhunës si asaj verbale por edhe fizike në parlament, ministri Tahiri kërkoi politikës të promovojë te qytetarët respektimin e ligjit dhe refuzimin e dhunën.

“Duhet të dekurajojmë dhunën. Ajo promovohet edhe nga politikanët. Nuk ndodh rrallë që dhe në parlament të dëgjosh retorik dhune dhe të dëgjosh cilësime si ndrikulla dhe lavira ndaj grave deputete apo të shikosh episode dhune. Ky është sinjali më i keq për qytetaret. Politika te lërë dënglat dhe ti japim mesazhin qytetarëve që pa dhunë mund të zgjidhim shumë më shumë”, theksoi ndër të tjera ministrit Tahiri.

Këto deklarata minstri i Brendshëm Saimir Tahiri i bëri gjatë inaugurimit të ambjenteve të reja në Komisariatin e Policisë së Laçit.