‘Kur gratë dhunohen ‘k*rva’ e ‘lavire’ në Parlament, frymëzohet injoranca’

“Nese e ndjera Liljana Rukaj ka patur nje urdher mbrojtje nga Gjykata, pse nuk u mbrojt dot? Tani i takon Ministrisë së Brendshme për të sqaruar”. Kështu u shpreh sot deputetja Majlinda Bregu në një status ne rrjetet sociale ku publikoi edhe kopjen e Urdhrit të
Mbrojtjes së te ndjerës Liljana Rukaj, që e hodhi burri nga dritarja e tualetit e katit të katërt në Fier pak ditë më parë.

I menjëhershëm ka qenë edhe reagimi i Ministrit të Brendshëm Saimir Tahiri i cili po në rrjetet sociale shkruan se urdhri i mbrojtjes ka ngecur ne gjykate dhe nuk ka shkuar ne Polici.

“Deputetja Majlinda Bregu ka publikuar sot nje urdher mbrojtje per Liljana Rukaj, viktimen e dhunes se bashkeshortit ne Fier. Pas denoncimit te te ndjeres, Policia ka bere strehimin e saj ne banesen e te vellait te saj, dhe ka kerkuar menjehere prane Gjykates Fier leshimin e urdhrit te mbrojtjes.

Ligji e do qe vendimi i gjykates per urdher mbrojtje te ishte derguar brenda 24 oresh prane disa institucioneve, nje nder tyre edhe Policia. Ky urdher mbrojtje, nuk eshte derguar kurre ne Polici, e kam frike ne asnje institucion tjeter. Ndoshta do kete mbetur ne sekretarite e gjykates, a gjithkund tjeter, por vetem ne Polici dhe institucione, nuk ka shkuar.

Kush e ka mbajtur kete urdher mbrojtje ne sirtar, eshte dhunuesi institucional, qe i la rruge te hapur dhunuesit qe i mori jeten nje njeriu.

Shpresoj te kete hetim penal, per cilindo pergjegjes qe nuk ka bere detyren, me koston e madhe te nje tjeter viktime te pafajshme nga dhuna ne familje.

Shpresoj shoqeria te ndergjegjesohet, e te sinjalizoje menjehere shenjat me te para te dhunes ne famije, pa pritur gjate deri ne dhune fizike.

Shpresoj media te luaj me fort rolin e saj. Duke mos raportuar detajet e ketyre ngjarjeve, parandalojme efektin domino te atyre qe te nxitur nga lajmet, ndjekin shembullin.
Na duhet te bejme te gjithe me shume!!!”

Tahiri: Gratë dhunohen ‘kurva’ e ‘lavire’ në Parlament, frymëzohet injoranca

Ministri Saimir Tahiri ka përmendur në statusin e tij edhe gjuhën banale që përdoret në Parlament nga politikanët.

“Kur grate ne parlament dhunohen me tituj te tipit “ndrikulla”, “kurva” e “lavire”, sigurisht injoranca do gjej frymezim ti dhunoje e ti vrase grate e femijet.

Dhe flitet per viktimat e dhunes ne familje, kur makabritetet tmerrojne te madh e te vogel. Por pak flasim e pak bejme, per dhunen e heshtur, ate qe nuk shohim e degjojme, por qe neser do sjelle viktima te tjera po nuk u shkundem mire nga themelet, individi, shoqeria dhe institucionet.

Nga 1 Janari deri 30 Nentor, jane 3.758 raste te trajtuara nga policia per dhune ne familje. 1.991 prej tyre me urdher mbrojtje.

Por keto te dhena jane, pa diskutim, vetem nje pjese fare e vogel e te vertetes.

Shoh me shume komshinje e familjare qe tregojne detaje pasi ndodh ngjarja makaber, sesa komshinje e familjare te gatshem te sinjalizojne menjehere dhunen ne familje, qe ne fillesen e saj.

Me heshtjen tone, shoqeria po i hap rruge dhunuesve. Sepse jane fare fare pak sinjalizimet e familjareve, rrethit shoqeror, fqinjeve, e kujdo tjeter qe mund te shpetonin viktimat e dhunes ne familje.

E jane shume me pak akoma, veprimet aktive per te parandaluar dhunen.

Ka plot institucione qe vetem punen nuk bejne, e keta jane me dhunues se dhunuesit. Dhunojne me burokraci, me vonese e mosveprim”, thekson Tahiri.