Ligji për Dhomën e Tregtisë, Nikolin Jaka lë peng mandatin

Debatet dhe protagonizmi prej muajsh po shoqërojnë “rrugën” e projektligjit të Dhomave të Tregtisë.

Gjatë një Forumi Biznesi, të organizuar mbi këtë temë nga RTV SCAN, kreu i Dhomës së Tregtisë së Tiranës, Nikolin Jaka, është shprehur, se vë në dispozicion mandatin e tij duke i hapur rrugë zgjedhjeve të reja në këtë organizatë, nëse do të miratohet ligji.

Pas kësaj Jaka tha, se projektligji edhe pse është kundërshtuar nga disa dhoma tregtie, ofron një procedurë shumë demokratike për zgjedhjen e strukturave drejtuese të tyre.

Aktualisht, projektligji i Dhomave të Tregtisë është kthyer nga Presidenti për rishqyrtim ne Kuvend, pas kundërshtimit të disa Dhomave te Tregtisë dhe shoqatave të biznesit.