Mbeteni pa para në fund të muajit? Ja ç’duhet të bëni

Në “Business Insider”, ekspertët kanë mbledhur dhe sugjeruar disa këshilla si të mos mbetemi pa para në fund të muajit, gjë që i ndodh të gjithëve. Kijini parasysh se do dilni të fituar:

1. Bëni një listë të gjërave që doni

Ju e dini shumë mirë se çfarë ju duhet për të blerë. Shënoni vetëm gjërat kryesore dhe mos mendoni të blini gjëra të panevojshme, sepse vetëm do i prishni punë vetes me shpenzimet e tepërta.

2. Nëse keni makinë, mundohuni të mos e përdorni çdo ditë të javës

Edhe pse makina në ditët e sotme është një domosdoshmëri, duhet të tregoni kujdes, sidomos në ditët që jeni afër fundit të muajit. Nëse keni mundësi për të përdorur transportin publik, ose nëse distanca nuk është e madhe, ecni në këmbë ose përdorni biçikletën.

3. Gatuani më shumë në shtëpi

Gatimi në shtëpi jua ul koston e harxhimit. Nëse shkoni shpesh nëpër restorante të ardhurat tuaja do shkojnë drejt fundit dhe do mbeteni pa asgjë në fund të muajit.

4. Mos dilni shpesh

Nëse ju ftojnë për të dalë për të pirë diçka jashtë, mos shkoni. Ju e dini se nëse do dilni do harxhoni dhe fundi i muajit është pranë. Mos mendoni vetëm një natë, sepse të tjerat mund t’ju gjejnë në situatë jo të mirë ekonomike.