“Mbretëresha e selfie-ve”: Më ka përdhunuar vëllai im

Mes lotëve, ajo që është etiketuar nga media si “mbretëresha e selfie-ve”, rrëfeu se e kanë përdhunuar disa herë kur ishte fëmijë.

Britanikja Karen Danczuk, 33 vjeç tha se është përdhunuar nga vëllai i saj, Michael Burke, 38 vjeç.

Ky i fundit është gjetur fajtor për të paktën tetë përdhunime.

Ajo tha se vëllai i saj është një monstër, pasi e ka përdhunuar kur ishte fëmijë.

“Ai më vodhi fëmijërinë,” tha Karen.

Ajo tha se po nxit vajzat që të flasin për abuzimet seksuale.

Reagimi i saj vjen pasi një juri e gjeti fajtor vëllanë e saj për përdhunim.

Gjykata tha se ai e ka përdhunuar motrën e tij tre herë mes moshës 9 dhe 11 vjeç.

Por Burke nuk u ndal, duke përdhunuar edhe të tjera femra.

“Vëllai im është një monstër që më përdhunoi. Ai është i sëmurë, shpresoj të kalbet në ferr”.

“Më ka lënë me pasoja, kam luftuar fort me depresionin dhe ankthin”.

Më pas ajo tregoi edhe detaje nga përdhunimet.

“Ishte e tmerrshme, mbaj mend se mezi i mbaja lotët dhe mezi prisja të mbaroja. Nuk i thoja dot askujt. Kam jetuar në ferr”.

Nëna e dy fëmijëve njihet si “mbretëresha e selfie-ve” pasi poston shumë të tilla.

Ajo ka qenë e martuar me deputetin laburist britanik, Simon Danczuk.

Aktualisht është në një lidhje me një kamarier spanjoll.

vella