Mbyti shokun e tij për vajzën e mitur, 9 vite burg për Artan Markun

Artan Marku është dënuar me 9 vite burg për vrasjen e shokut të tij me të cilën ndante dhe shtëpinë ku jetonin në Institutin Bujqësor në Kamëz.

Ngjarja ndodhi në shkurt të vitit të kaluar, kur Marku i vuri shqelmin në fyt dhe mbyti Arben Kaninën.

Vetë autori i krimit pranoi se kishte vrarë shokun e tij pasi ky i fundit i tregoi se ngacmonte seksualisht një vajzë të mitur vetëm 10 vjeçe.

Por nga ana tjetër babai i vajzës ka dëshmuar në Polici se gjithcka është sajesë e Markut.

Gjykata e dënoi atë me 14 vite burg, por Marku do të vuajë 9 vite e katër muaj pas përfitimit të uljes me 1/3 nga gjykimi i shkurtuar.