Milan fiton me vështirësi kundër Crotones (video)

Ndonëse në letër një ndeshje e lehtë për Milan, në fushë nuk është treguar e tillë. Ndeshja e vlefshme për kampionatin Italian, Milan-Crotone është mbyllur 2-1, duke regjistruar një tjetër fitore për djemtë e Montella-s.

Pjesa e parë nuk ka nisur mirë për Milan. Në minutën e 26′ me një gol të Falcinelli, Crotone ka kaluar në avantazh.

Fal goditjes së kroatit Mario Pasalic në minutën e 41’ pjesa e parë është mbyllur barazim.

Një penalti e akorduar në minutat e para të pjesës së dytë, i jep shpresën milanistëve të gëzojnë për golin e avantazhit, mirëpo Niang nuk arriti të gjente rrjetën. Goditja e tij u prit nga portieri i Crotone.

Vetëm katër minuta nga përfundimi i kohës së rregullt, Lapadula shënuar golin e fitores. Ai ka festuar duke hequr fanellën gjë që i ka kushtuar një karton të verdhë.

Pas tri pikëve të sotme, Milan e sheh vetën në vendin e dytë të tabelës.

https://www.youtube.com/watch?v=-xI2OhX8GU8