Ministrat gjermanë: Rezultati i referendumit në Itali, shqetësues

Ministri i Jashtëm i Gjermanisë, Frank-Walter Steinmeier ka pranuar se rezultati i referendumit në Itali është ‘shqetësues’.

Por sipas tij, rezultati i referendumi kushtetues nuk është “fundi i botës”, por gjithashtu nuk është “një zhvillim pozitiv sa i takon krizës së përgjithshme të Evropës”.

Steinmeier tha se Gjermania po i ndjek zhvillimet me “shqetësim”.

Ai ka nënvizuar se qeveria e Renzit po ecte në drejtimin e duhur dhe se Gjermania shpreson që qeveria e re të vazhdojë në këtë rrugë.

Të njëjtin mendim ka shfaqur dhe ministri i Financace, Wolfgang Schäuble i cili ka theksuar se Italia duhet të vazhdojë politikat ekonomike te Renzit edhe pas dorëheqjes së tij.