Ofendoi rëndë kundërshtarin, Lulic rrezikon të dënohet ashpër

Lojtarin e Lazios, Senad Lulic e pret një dënim i rëndë pasi në derbin kundër Romës ka ofenduar rëndë mbrojtësin e verdhekuqëve, Antonio Rudiger.

Sipas “Calciomercato.com”, federata e futbollit në Itali pritet të dënojë Lulic nga 3-10 ndeshje pezullim për shkak se gjatë ndeshjes i ka thënë se Rudiger para dy viteve shiste çorape në Shtutgart.

Derbi mes Lazios dhe Romës që u zhvillua në ‘Olimpico’ përfundoi me rezultatin 2-0 në favor të verdhekuqëve.