Operacioni “Qarku i mbyllur”, sekuestrohen 40 kallëpe eksplozivë C4

Specialistët e Sektorit kundër Krimit të Organizuar në Durrës, pas informacioneve të marra në rrugë operative, kanë arrestuar dy persona në flagrancë dhe sekuestruar 40 kallëpe eksplozivë CA.15281107_304301809969818_114554120_n

Si rezultat i operacionit të koduar “Qarku i mbyllur ” është goditur një grup që trafikonin lëndë plasëse eksploziv C4, së bashku me aksesorë ndihmës , detonatorë dhe fitil zjarr përcjellës.

Të arrestuarit janë Alfred Gurra 26 vjeç dhe Drini Lika 35 vjeç, me precedentë në fushën e lëndëve narkotike dhe armëmbajtje pa leje në Itali.
Operacioni u zhvillua në zonën e Krujës, pasi personat e mësipërm do t’ia shisnin lëndën eksplozive, kapsollat detonatore dhe fitilin zjarr përcjellës një grupi tjetër kriminal.

U sekuestruan në cilësinë e provave materiale: • 40 kallëpe eksplozivë C4; •100 kapsolla detonatore; •43 metër fitil zjarr përcjellës; • automjeti tip Mitsubishi me targa LA7607 A; •automjeti tip Benz me targa AA 888 Ç.

Ndërkohë, vijon puna hetimore dhe gjurmuese në zbulimin dhe vënien para përgjegjësisë penale të personave të tjerë të përfshirë në këtë grup kriminal.