Pas bisedës me Tajvanin, Trump ‘masakron’ Kinën në Twitter

Presidenti i zgjedhur amerikan, Donald Trump është ankuar rreth ekonomisë kineze dhe politikave ushtarake në “Twitter”.

Pas bisedës telefonike me liderin e Tajvanit që ka shkaktuar kundërshtimin e menjëhershëm të Kinës, mesazhi i shkruar dje në rrjetin social tregon se Trump nuk do të ketë një politikë pajtuese me Pekinin, shkruan “BBC”.

Gjatë fushatës zgjedhore, Trump e ka konsideruar disa herë Kinën “zhvlerësuese të monedhës”.

Trump ka pyetur në rrjetet sociale: “A na pyeti Kina kur zhvlerësoi monedhën e saj” dhe ndërtoi një kompleks ushtarak masiv? Unë nuk mendoj kështu!”

Trump rrezikoi një “çarje diplomatike” me Kinën duke folur drejtpërdrejt me Presidentin e Tajvanit.