Pastronte paratë e trafikantit të ekzekutuar, kapet bashkëpunëtori

Policia e Tiranës ka arrestuar sot një shtetas të shpallur në kërkim për fshehje të parave të një trafikanti droge, i cili është ekzekutuar në Tiranë gjatë një atentati në vitin 2012.

Kështu, i arrestuari është Altin Badini, 39 vjeç banues në Tiranë, i cili ka fshehur 70 mijë euro të trafikantit të drogës, Bledar Balliut të vrarë në një atentat në vitin 2012 në Tiranë.

Gjykata e pati dënuar Badinin me 2 vjet e tetë muaj burg për veprën penale të pastrimit të parave.

Gjatë hetimit penal, më 15 prill 2006, Altin Badini, gjatë kontrollit që i është bërë nga Policia në hyrje të qytetit të Sarandës, në kohën që ky po udhëtonte nga Tirana në Sarandë me automjetin me taksi TR 047 B shuma 70 mijë euro që e kishte me vete.

Kontrolli që i është kryer gjatë rrugës automjetit është bërë për faktin se Balliu ka qenë person nën hetim dhe komunikimet e tij telefonike ishin vënë në përgjim.

Badini ka pasur dijeni se paratë ishin të Balliut dhe rezulton të ketë qenë në dijeni të prejardhjes së tyre, si produkt i veprës penale të konsumuar nga i padituri Bledar Balliu.