Peticioni për të ndaluar fitoren e Donald Trump bëhet më popullori në histori

Një peticion për përmbysjen e rezultatit të zgjedhjeve në SHBA është tani më i njohuri në historinë e “Change.org”.

4.6 milion njerëz kanë nënshkruar për t’i bërë thirrje Kolegjit Zgjedhor të ndalojë Presidencën e Donald Trump. Ky peticion  teorikisht është i mundur, por kurrë më parë nuk e ka ndryshuar rezultatin e zgjedhjeve amerikane. Hillary Clinton fitoi miliona vota më shumë se Donald Trump, por zoti Trump u bë President i zgjedhur për shkak të sistemit të votimit, shkruan “The Independent”.

Peticioni është titulluar “Bëj Hillary Clinton Presidente” dhe argumenton se për shkak se zonja Clinton fitoi votën popullore ajo duhet të bëhet Presidente. Ai gjithashtu argumenton se Presidenti i zgjedhur është “i papërshtatshëm për të shërbyer në këtë post”.

Megjithatë theksojmë se votat popullore ndaj Hillary Clinton nuk duhen marrë të mirëqena sepse para pak ditësh u raportua se në zgjedhjet e 8 nëntorit ishin regjistruar miliona votues të vdekur që “votonin” për Clinton.