‘Po s’pate trafikuar femra, po s’qe dënuar, po s’pate rrëmbyer, s’je për administratë’

Sekretari i Përgjithshëm i PD-së, Arben Ristani, ka reaguar sot ndaj Kryeministrit Edi për qendrimin dhe deklaratat e një dite më parë lidhur me administratën publike.

“Në zhargonin e tij ordiner, – vërejti Ristani, – Edi Rama fyeu dje punonjësit e administratës duke i quajtur të paaftë. Ofendoi një pjesë të mirë të atyre punonjësve që megjithëse u mashtruan, tradhëtuan dhe u braktisën për 3 vjet nga Edi Rama, vazhduan pa e ndalur punën e tyre.

Në fakt në mendësinë e Edi Ramës për shtetin, punonjësi i administratës s’duhet të jetë specialist i zoti e me përvojë, as njeri që punon shumë.
Nese nuk ke trafikuar femra, nuk je marrë me prostitucion, me trafik droge, nuk je dënuar për korrupsion, falsifikim dokumentesh, kërcënime, rrëmbim fëmijesh, atëherë ti nuk je i aftë për të punuar në administratë.

Vetëm ata që kanë një cv kaq të pasur e meritojnë të jenë në administratë, në polici dhe në parlament, sipas Edi Ramës.

Në fund të fundit çdo drejtues mundohet të implementojë modelin e tij. Këtë bën çdo ditë edhe piktori i dështuar që është sot kryeministër dhe do të mbetet në histori për modelin e tij të krimit, drogës dhe korrupsionit.”