Prania e mineralit të Asbestit, ISHPSH grup pune në Moglicë

Fill pas publikimit të lajmit në ‘News24’ se një grup punëtorësh në HEC-in e Moglicës bojkotuan punën pasi hasën prezencën e mineralit të asbestit, ka reaguar Inspektorati Shtetëror i Punës. Mësohet se grupe pune kanë shkuar në terren, për të verifikuar situatën nga afër.

Sot, rreth 100 punëtorë të HEC-it në Moglicë të frikësuar nga prania e këtij minerali, thanë se
se janë në dijeni të pasojave të rrezikshme që jep Asbesti në shëndetin e njeriut.

“Asbesti ka efekte të rrezikshme. Ndihemi të rrezikuar për jetën. Kemi dëgjuar për efektet e asbestit, pasi grimcat e tij shkaktojnë kancer. Asbesti është hasur që në fillim të punës. Firma nën kontraktore shfaqet e pashqetësuar. Ne e dimë se ku ka asbest, mbyllen punimet”, pohuan punëtorët.