Pse rezultati i referendumit në Itali nuk është një tjetër Brexit dhe Trump

Vota e Italisë nuk do të sjellë efekt domino

Luigi Scazzieri

Fillimisht britanikët votuan për Brexit. Më pas Amerika votoi për Trump. Tani italianët refuzuan ndryshimet kushtetuese, duke sjellë dorëheqjen e Kryeministri, Matteo Renzi.

Ka një përpjekje për të hequr paralele mes këtyre tre votimeve. Por, referendumi italian nuk është një tërmet politik. Shkaqet e saj janë të ndryshme dhe efektet e saj në politikën ndërkombëtare ka mundësi të vazhdojnë gjatë.

Vota në Itali nuk përfaqëson një revoltë populiste kundër globalizmit dhe elitave. Çështjet si globalizmi dhe emigrimi nuk kanë qenë të forta në debat.

Përkundrazi, pasi Renzi tha se do të jepte dorëheqjen nëse nuk miratoheshin ndryshimet kushtetuese, debati u fokusua te rezultatet e tij si Kryeministër.

Ndryshe nga Britania dhe SHBA-të, ku elita ishte homogjene në favor të qëndrimit në BE dhe kundër Trump, në çështjen italiane, establishmenti politik dhe ekspertët ishin të ndarë në dy.

Kundërshtimi i ndryshimeve nuk erdhi vetëm nga dy partitë populiste Lëvizja e Pesë yjeve dhe Liga e Veriut, por gjithashtu edhe nga figura popullore politike. Përfshirë këtu dhe fraksione brenda vetë partisë Demokratike të Renzit, siç ishin Massimo D’Alema dhe Mario Monte.

Për këtë arsye kjo nuk është një votë kundër globalistëve, apo një votë e “populistëve” kundër “esbatlishmentit”.

Sa u takon efekteve, pritet që në ditët dhe javët e ardhshme, tregjet financiare të kenë paqëndrueshmëri që do të sjellë rritjen e borxhit të Italisë dhe rrëzimin e bankave në prag të falimentit.

Por, situate është ndryshe nga piku i krizës së vitit 2011 dhe Banka Qendrore Evropiane ka bërë të ditur se do të ndërhyjë për të parandaluar që bondi italian të mos rritet shumë.

Por, për bankat do të jetë e vështirë që të gjejnë investitorë ndërkombëtarë për të rritur kapitalin që u kërkohet dhe për këtë arsye efektet në sistemin bankar do të jetë afatgjata.

Vota kundër do të sjellë jo vetëm paqëndrueshmëri politike por edhe rritjen e Lëvizjes së Pesë Yjeve të Pepe Grillos. Pritet që vendi të mos shkojë në zgjedhje të parakohshme, por presidenti Sergio Mattarella do të japë një mandate për krijimin e një qeverie nga ministri i Ekonomisë, Pier Carlo Padoan.

Marrë nga The Guardian