Rama prezanton Buxhetin 2017 në Kuvend, flet me shifrat e para tre viteve

Kryeministri Edi Rama ka prezantuar sot në Kuvend, Buxhetin e shtetit për vitin e ardhshëm që ishte parashikuar të shqyrtohej në parim. Ai e ndërtoi fjalimin e tij duke bërë krahasimin me gjendjen që gjeti në vend në 2013 dhe ndryshimet që tha se solli me politikat e reja, duke i kujtuar Kuvendit, borxhet që kjo qeveri qe detyruar të shlyente, si të mbartuara nga qeveria e kaluar, qoftë për rrugët, qoftë për ‘gropën’ në taksa e dogana.

Rama tha: “A e dinis sesa km rrugë ka bërë qeveria e kaluar në tetë vjet? Vetëm 943 km! Në tetë vjet sipas librit të llogarive, pa zënë në gojë sesi janë bërë.

Por pasi u fashit tymi I propagandës së tyre “rrugë, rrugë”, borxhi ishte 1.6 miliadë USD të palikuiduara. Dhe ka plot xhevahire të tjera në atë gropë që kemi tre vjet që po e mbushim.

Dhe meqë jemi tek gropa, por jap një shifër tjetër për katandinë e doganave dhe tatimeve që në 8 vjet ndërmjet parashikimit të të ardhurat dhe realizimit të tyre I munguan 1.50 miliardë USD. Kjo do të thotë se në ato 8 vjet e shtynë Shqipërinë mu në buzë të greminës financiare.

Buxhetet e 2013-2s dhe 2014-ës janë buxhete që shmangën krizën dhe nga një ekonomi që luhatej nga 0 në 1%, kemi një ekonomi që do të rritet me 3-3.5% që do të vazhdojë të rritte çdo vit duke sjellë më shumë mirëqënie.”

Vijon…