Referendumi/ Italia vendos sot “për Mateo Renzin”

Italianët do të shkojnë pranë kutive të votimit në kuadër të referendumin për ndryshimin e Kushtetutës së vendi.
Referendumi është iniciuar nga kryeministri i qendrës së majtë, Matteo Renzi, i cili pritet të përdoret si një shans për të rritur pakënaqësitë ndaj drejtuesit aktual të qeverisë së Italisë.

Partitë populiste kanë bërë fushatë për votë “Jo”, ndërsa vet Renzi ka paralajmëruar se do të japë dorëheqjen nëse humbet. Sondazhet paraprake thonë se ai do të përballet me humbjen.

Një votë “Jo” ndaj Renzit do të shtojë më tej zellin e partive antiemigracion, si Fronti Kombëtar në Francë apo vende të tjera.
Fushata “Jo” kundër referendumit është udhëhequr nga lëvizja “Pesë Yjet” e drejtuar nga Beppe Grillo, i cili kërkon një referendum nëse Italia duhet të mbajë ose jo monedhën evropiane Euro.

Humbja e referendumit nga ana e Renzit do të nxisë më tej këtë Lëvizje, por edhe lëvizjen e djathtë Lidhja e Veriut (Lega Nord).
Referendumi synon ndryshimin e Kushtetutës së vitit 1948 dhe në thelb synon uljen drastike të numrit në Senat, e njohur si Dhoma e Lartë e Parlamentit italian. Aktualisht, Senati ka 315 anëtarë, ndërsa Renzi synon ta lërë vetëm me 100 anëtarë./ORA