“Republika e Kanabisit”/ Të rinjtë e PD damkosin makinat e deputetëve para Kuvendit

TIRANE– Të rinjtë demokratë të aksionit qytetar të drejtuar nga kreu i këtij departamenti në Partinë Demokratike, Ervin Salianji, kanë vijuar protestën e tyre për të denoncuar kanalizimin e vendit nga qeveria e majtë para parlamentit shqiptar.

Një ditë pasi çuan vazo me kanabis në oborrin e Kryeministrisë, të rinjtë e PD-së tashmë vendosën në makinat e deputetëve edhe stemën e ““Republikës së Kanabisiit” themeluar nga Edi Rama 2013-2016”.

Organizatori i kësaj nisme, Rajkard Dervishaliaj thekson se nisma e tyre erdhi pas publikimit të investigimit për situatën e kanabisit në vend nga agjencia e lajmeve BBC.

“I vendosëm sot damkën e kanabisit, stemën që simbolizon më së miri këtë mazhorancë qeverisëse. Kjo qeveri na ka bërë me turp duke na identifikuar gjithë bota si kryeqyeti i drogës. Ne sot do shenjojmë çdo makinë deputeti dhe çdo deputet me stemën e Republikës së themeluar nga Rama, Rebublikën e Kanabisit”, u shpreh Dervishaliaj.