Sekuestrohet 1 ton kanabis në Leçe, 4 shqiptarë e 1 italian në pranga

Gati një ton marijuanë është sekuestruar, gjatë 4 operacione të ndryshme anti-droge nga policia e Leçes në Itali.

Sipas mediave italiane në pranga kanë përfunduar 4 shtetas shqiptarë të pa indentifikuar dhe një italian, qytetar i Leçes, pasi akuzohen si posedues të sasive të mëdha të marijuanës, heroinës dhe një pushke automatike AK 47, e prodhuar në Kinë.

Kallashnikovi është gjetur në veturën e dy shqiptarëve në veri të Italisë, të cilët e kishin fshehur atë në bagazhin e makinës së bashku me disa qese marijuanë me peshë 70 kg.

Një tjetër shqiptar që ngiste një kamion është arrestuar pasi gjatë një kontrolli policia i gjeti në të rreth 130 kg marijuanë.

Një kuintal marijuanë u zbulua në bordin e një tjetër makine që drejtohej nga një 23 vjeçar shqiptar po ashtu në veri të Italisë.

Ndërkohë 500 kg marijuanë janë zbuluar në një fshat në periferi të Acaya.

Në Burgun e Leçes është dërguar edhe një 47-vjeçar rezident në Racale, pasi policia i gjeti 250 gram heroinë.