Shokon regjisori: Skena e përdhunimit në filmin ‘Tango e Fundit në Paris’, ishte e vërtetë

Regjisori i filmit të njohur “Tango e Fundit në Paris” ka pranuar se skena famëkeqe e përdhunimit të Maria Schneider nga aktori Marlon Brando ishte jo-konsensuale. Sipas udhëzimeve të Bernardo Bertolucci, njeriut që fshihet pas dramës së vitit 1972, skena e përdhunimit ishte reale.
Sipas një interviste të dhënë në 2013-ën, regjisori donte që në skenën e përdhunimit ajo të reagonte si një vajzë e jo si një aktore.

Schneider ishte vetëm 19 vjeç kur u xhirua filmi, ndërsa Brando 48. Video e intervistës së Bertoluccit është publikuar ditët e fundit në rrjetin Youtube duke ngjallur sërish zemërim.