SIDA, 985 shqiptarë janë të infektuar me HIV

Në Shkodër, deri në muajin nëntor të këtij viti, 46 persona kanë rezultuar të infektuar nga SIDA, ku 5 prej tyre janë zbuluar këtë vit, ndërsa në total në të gjithë Shqipërinë janë rreth 984 persona të infektuar nga ky virus.

Shifrat u bënë të ditur nga psikologia pranë zyrës së HIV/AIDS në Shkodër, Manjola Laloshi. Laloshi theksoi se është i nevojshëm testimi në kohë për të luftuar këtë virus.

Deklaratat e Laloshit erdhën në kuadër të Ditës Ndërkombëtare të Luftës kundër SIDA-s, që shënohet me datën 1 dhjetor. Në kuadër të kësaj dite, Bashkia Shkodër në bashkëpunim me Drejtorinë Rajonale të Shëndetësisë dhe organizatat e shoqërisë civile organizuan një aktivitet sensibilizues. /Rozafa