Skamja në familjen e tragjedisë, borxhi i fundit para vrasjes

Familja në fshatin Drizë të Kuçovës ku 57-vjeçari Ruzhdi Luzi (foto) vrau me thikë bashkëshorten në orët e para të muajit Dhjetor, ishte në gjendje të keqe ekonomike.

Pasi vrau të shoqen, 49-vjeçaren Manjola Luzi, autori ka telefonuar policinë dhe i ka treguar lidhur me krimin. Në banesë, kanë qenë edhe tre fëmijët, dy djem dhe vajza, të cilëve u është ‘trembur’ gjumi vetëm pasi në banesë mësynë efektivë të policisë që arrestuan babain e tyre.

Atë ditë, bëjnë me dije burime nga policia lokale, te shtëpia e familjes fatkeqe ishte vëllai i autorit së bashku me bashkëshorten. Ruzhdi Luzi i ka kërkuar borxh atij 30 mijë lekë të vjetra për të bërë vaj në fabrikë, ullinjtë që kishte vjelë, shumë që i është dhënë nga i vëllai.

Sipas dëshmive të banorëve, Ruzhdi Luzi vuante nga çrregullime mendore.