TABELA/ Kreditë e këqija nuk ndalen. Huatë me probleme u shtuan me 130 mln euro vetëm këtë vit

Kreditë e këqija u rritën sërish gjatë muajit Tetor duke konfirmuar edhe një herë se plani i qeverisë dhe Bankës së Shqipërisë për uljen e tyre po dështon. Të dhënat e fundit zyrtare nga Banka e Shqipërisë tregojnë se në Tetor, huatë me probleme arritën në 21.35 për qind e totalit të kredisë që është dhënë për ekonominë, nga 21.29 për qind që ishin një muaj më parë.

Shifrat e fundit konfirmojnë edhe një herë se plani i përbashkët kombëtar me qeverisë dhe Bankës së Shqipërisë, jo vetëm që nuk po jep efektet e pritshme për të ulur kreditë me probleme, por nuk po arrin të ndalë dot as rritjen e tyre.

Të dhënat tregojnë se krahasuar me fundin e vitit të kaluar, kreditë e këqija janë rritur me mbi 3 pikë përqindje.  Kjo do të thotë se vetëm gjatë këtij viti, huatë me probleme janë shtuar me 18 miliardë lekë ose mbi 132 milionë euro.

Image