Telefonata me Tajvanin, Kina paralajmëron Trump-in: Kujdes si e trajton këtë çështje

Ministria e jashtme e Kinës ka deklaruar se ka hartuar një ankesë ndaj SHBA-ve, pasi Presidenti i zgjedhur, Donald Trump, zhvilloi një bisedë telefonike me liderin e Tajvanit

Kina e sheh Tajvanin si një provincë separatiste. Politika amerikane ka vendosur në vitin 1979 të presë të gjitha marrëdhëniet formale me Tajvan, shkruan “BBC”.

Megjithatë, ekipi tranzicionit të zotit Trump tha se ai dhe lideri Tsai Ing-wen në këtë bisedë telefonike vunë në dukje “lidhjet e ngushta ekonomike, politike dhe ato të sigurisë”

Por kjo ka shkaktuar pakënaqësi të papara në Kinë, e cila ka reaguar pothuajse menjëherë.

Sipas agjencisë së lajmeve shtetërore “Xinhua”, Kina i bëri thirrje SHBA-ve të bënin kujdes, me trajtimin e cështjes së Tajvanit për të shmangur rrëmujat e panevojshme në marrëdhëniet kinezo-amerikane.

Më herët, ministri i jashtëm kinez Wang Yi hodhi poshtë bisedën telefonike, duke e konsideruar thjesht si “mashtrim të vogël” nga Tajvani, ka thënë media shtetërore kineze./SYRI.net/