Tiranë/ Tentojnë tu prishin banesën, banorët ‘zënë me gurë’ policinë dhe punonjësit e IKMT

Tre persona janë arrestuar sot nga policia në Tiranë pas një përleshje me policinë.

Në pranga janë vënë Eni Spahiu 26-vjeç, Dokle Spahiu, 51-vjeç dhe Sokol Durma, 31-vjeç, ndërsa është proceduar në gjendje të lirë Altin-Durma 35-vjeç.

Ngjarja ka ndodhur rreth orës 13:30 në rrugën “Faik Konica”.

Gjatë aksionit të IKMT për të prishur një mur të ndërtuar pa lejë te banesa e Sokol Durmës, ata sulmuan me policët dhe punonjësit e Inspektoriatit Kombëtar të Territorit, njofton policia. Këta shtetas kanë filluar duke hedhur gurë dhe mjete të tjera të forta në drejtim të Policisë, ku për pasojë kanë mbetur të dëmtuar lehtë disa punonjës policie, të cilët morën mjekimin e nevojshëm në S.Q.U..

Punonjësit e policisë kanë ndërhyrë për të bërë të mundur normalizimin e situatës dhe janë kundërshtuar me forcë duke bërë rezistencë si dhe penguar punonjësit në kryerjen e detyrës.

“Goditje për shkak të detyrës e kryer në bashkëpunim”, “Kundërshtim i punonjësit të policisë së rendit publik” dhe “Mosbindje ndaj urdhrit të punonjësit të rendit publik”, janë veprat penale që rëndojnë ndaj personave të përfshirë në konflikt me policinë.