Trump paralajmëron bizneset që zhvendosen jashtë SHBA: Do ju ndëshkoj rëndë

Presidenti i zgjedhur i Shteteve të Bashkuara të Amerikës Donald Trump ka kërcënuar bizneset dhe kompanitë amerikane se do t’i ndëshkojë rëndë nëse zhvendosin aktivitetin e tyre ekonomik jashtë vendit.

Trump është duke planifikuar për të vendosur një taksë 35% për këto kompani që prodhojnë jashtë Amerikës.

Miliarderi argumentoi se këto kompani meritojnë ndëshkim. Pavarësisht këtyre paralajmërimeve, Trump është zotuar se do të ulë taksat e kompanive në të gjithë vendin, më së shumti në Wall Street.

Por, është treguar shumë i ashpër me bizneset amerikane që zhvendosen jashtë vendit.