A u shkarkua shefi i Euralius? Vjen përgjigja zyrtare e BE-së në Tiranë

Pak pasi doli historia e përkthimit gabim të ligjit të vetingut që i shkoi Komisionit të Venecias, në media u përfol për shkarkimin e shefit të misionit EURALIUS IV.

Burime politike në Tiranë flasin se ai është shkarkuar nga detyra për shkak të këtij gabimi
në përkthim, por “Panorama.al” pyeti zyrën e delegacionit të BE në Tiranë dhe ajo dha këtë përgjigje:

“EURALIUS IV u siguron asistencë teknike institucioneve përfituese dhe palëve të interesuara lidhur me sektorin e drejtësisë në Shqipëri, në kuadrin e praktikave më të mira të BE-së dhe standardeve përkatëse evropiane.

Komisioni Evropian e përgëzon këtë angazhim. Pretendimet se drejtuesi i ekipit EURALIUS IV është larguar nga posti i tij janë krejtësisht të pasakta. Drejtuesi i ekipit është aktualisht me leje. Institucionet shqiptare janë përgjegjëse për komunikimet zyrtare me palët e treta dhe sigurojnë nën përgjegjësinë e tyre transmetimin zyrtar të dokumenteve ligjore që përbëjnë një pjesë të legjislacionit të brendshëm zyrtar”.