Vettingu, Rama-PD-së: Pretendoni se keni përkthimin ekskluziv, Venecia konfirmoi pa rezerva ligjin e pikë!

TIRANE- Kryeministri Edi Rama ka reaguar sërish në lidhje me opinionin e Komisionit të Venecias për ligjin e Vettingut. Me anë të një mesazhi në rrjetin social ‘Facebook’, kreu i Qeverisë theksoi se PD pretendon përsëris se ka një përkthim ekskluziv të sajin për ‘Venecian’. Ai shton se ky institucion ndërkomëvtarë ko konfirmuar ligjin e Vettingut.

“PD pretendon përsëri se ka një përkthim ekskluziv të sajin për Venecian✌️Në fakt Venecia ka konfirmuar pa rezervë Ligjin e Vetingut? Pikë!”, citohet në mesazhin e Ramës.

Komisioni i Venecias publikoi sot opinionin ndërsa shprehu vlerësim pozitiv për këtë ligj, ndërsa ka analizuar pikëpyetjet e gjykatës Kushtetuese. Lidhur me këtë fakt, Venecia i është përgjigjur Kushtetueses për disa çështje.

Po ashtu, Venecia shtoi se Vettingut duhet t’i nënshtrohen edhe gjykatësit e Gjykatës Kushtetueses.
“Dispozitat nuk shkelin nenet e të drejtave të njeriut. Në tërësi ligji i Vettingut është pozitiv. Ligji i Vettingut, i nevojshëm për Shqipërinë. Gjykata Kushtetuese ka konflikt interesi me ligjin. Dispozitat nuk shkelin nenet e të drejtave të njeriut.”, citohet në opinionin e Venecias.
Komisioni i Venecias theksoi se dispozitat e ligjit nuk shkelin nenet e Konventës europiane të të Drejtave të Njeriut apo shfaqin problem për asnjë nga çështjet e ngritura nga Gjykata kushtetuese e Shqipërisë në kërkesën e saj për të marrë një opinion rreth tekstit të miratuar nga parlamenti më 30 gusht të këtij viti.