VIDEO-FOTO/ Kush është biznesmeni durrsak që u arrestua për trafik droge drejt Gjermanisë

I riu nga Durrësi, 32-vjeçari ?Erjon Jovani, është biznesmeni i arrestuar mëngjesin e sotëm sepse akuzohet për trafik ndërkombëtar të lëndëve narkotike. Sipas policisë, Jovani është pronari i kamionit ku mëngjesin e djeshëm u kapën me 190 kilogramë drogë të fshehura në dysheme.

Por kush është i riu i arrestuari nga Durrësit që merrej me biznesin e shitjes së makinave? Mësohet se Jovani është pronar i kompanisë “Auto Transport Oçasione” me filial në zonën e Plepave në Durrës. Nga verifikimet e kryera rezulton se kompania e tij transportonte automjete nga Gjermania dhe Italia, në drejtim të Shqipërisë dhe anasjelltas.

Po të njëjtat burime saktësojnë, se nga hetimet e kryera ka dyshime se gjatë transportit me kamionë të automjeteve, Jovani fshihte edhe lëndë narkotike të cilën e trafikon më pas drejt vendit fqinj Italisë dhe madje deri në Gjermani. Po ashtu mësohet se 32 vjeçari dhe Erblin Taku, shoferi i kamionit të ndaluar në Portin e Durrësit, ishin të njohur dhe se kjo nuk ishte hera e parë që mes tyre kryhej ky rrjet trafiku droge.


Ndërkohë, 32 vjeçari dhe shoferi kanë mohuar akuzën e trafikut ndërkombëtar, por megjithatë, që të dy brenda 48 orëve do të njihen me masën e sigurisë ndaj tyre.

Erjon Jovani, transportonte automjete luksi, të cilat i sillte në Shqipëri. Por jetën e tij luksoze ai e ka treguar edhe në publik, dhe nëpër rrjete sociale. Mes tyre Jovani ka publikuar edhe kamionin tashmë fatkeq për të me targa AA 045 ND, në të cilin u gjet e fshehur në dysheme lënda narkotike, me peshë rreth 190 kg. /Express