VIDEO/ Hiqet flamuri grek në Kalanë e Himarës

Pas vendosjes së një flamuri grek në kalanë e vjetër të Himarës, një grupim, i quajtur “Lëvizja për Shqipërinë e Bashkuar”, e ka hequr atë.

flamuri

Në një video të hedhur në Facebook duket momenti kur disa të rinj ngjiten në kala dhe heqin flamurin.

“Së bashku me shumë anëtarë të Lëvizjes për Shqipëri të Bashkuar, nga gjitha trojet shqiptare kemi rrugëtuar për në Himarë që ta heqim flamurin shovinist grek nga Kalaja e vjetër e Himarës”, deklaroi Tahir Veliu, kryetar i Lëvizjes për Shqipëri të Bashkuar.

Lëvizja për Shqipëri të Bashkuar tha se është lëvizje kombëtare e themeluar me 16 korrik të vitit 2016, që synon bashkimin fizik të gjitha trojeve shqiptare në një shtet të vetëm kombëtar shqiptar, me kufijtë e saj natyror dhe legjitim sipas aktit juridik të 28 nëntorit 1912.