VIDEO/ Ilir Meta thumbon Edi Ramën: Një politikan që ankohet për mediat, si një marinar që ankohet se e zë deti

A janë mediat në Shqipëri “media kazani”? Ky është një përcaktim që përdor rëndom kryeministri Edi Rama sa herë që në mediat që ai nuk i ka nën kontroll dalin fakte të keqqeverisjes së tij dhe atij nuk i shkojnë për shtat.

Gazetari Çim Peka ka pyetur për këtë definicion të Edi Ramës, aleatin e tij dhe përgjigjja e Metës duket si një kritikë e drejpërdrejtë për Kryeministrin. “ Mendoj se situata është shqetësuese.

Një politikan që ankohet nga mediat është njësoj si një marinar të ankohet nga deti. Por unë nuk kam ndërmend që të ankohem ndonjëherë”- ishte kjo përgjigja e drejpërdrejtë dhe qartë e Kryetarit të Kuvendit i ftuar në emisionin Të Paekspozuarit të Ylli Rakipit në News24.

Ilir Meta: Më radhë të parë e kanë institucionet e zbatimit të ligjit. Në radhë të parë ka dhe politika. Nuk është një fenomen i ri. Ne e dimë që Lazarati për arsye politike është toleruar për një kohë të gjatë. Përmasat, sidomos në zonat e thella, edhe disa reagime shqetësuese ndërkombëtare del qartë që ky është një problem me të cilin duhet të ndeshemi jo duke akuzuar njëri-tjetrin, por duke i dhënë një zgjidhje përfundimtare këtij problemi. Cdo politizim nuk e lufton këtë fenomen. Kemi dhe një institucion që e ndjek këtë dhe ka një lidhje me partnerët ndërkombëtar, që është misioni italian, të dhënat e të cilit janë shqetësuese, por janë edhe vlerësuese.

Çim Peka: Kryeministri ndonjëherë thotë se këtë panik e hapin mediat kazane. BBC thotë sot se Shqipëria është kultivuesi më i madh i drogës.

Ilir Meta: Mendoj se situata është shqetësuese. Një politikan që ankohet nga mediat është njësoj si një marinar të ankohet nga deti. Por unë nuk kam ndërmend që të ankohem ndonjëherë.