Videot e Beyonce kur ishte 10 vjeç do të shiten për një shumë marramendëse

Pamje që nuk janë parë më herët të Beyonce, kanë dalë në shitje dhe pritet të shiten për më shumë se 3 milionë funta.

Janë 12 video që dokumentojnë këngëtaren e shumë hiteve, Beyonce duke vallëzuar në moshën 10 vjeçare, bashkë me gjashtë vajza të tjera, të njohura si grupi Girls Tyme, diçka që më vonë u shndërrua në grupin hit të vajzave, Destiny’s Child.

The-Beyonce-tapes-being-auctioned-off-at-Ted-Owen-Company (2)

Video incizimet do të shiten në një ankand në Londër, duke filluar me ofertën fillestare me 1,5 milionë funta.

Në fakt, janë 2 orë e gjysmë incizim që datojnë nga viti 1992 dhe shfaqin Beyonce në rrugën e saj drejt famës – në fakt, këto incizime kanë nisur të konsiderohen si fillimet e grupit që ka thyer shumë rekorde me këngët e tyre, transmeton Klan Kosova.

Në fotografitë që janë zbuluar, shihet mbretëresha e muzikës duke folur me kamerën, duke vallëzuar e duke bërë prova të këndimit.

The-Beyonce-tapes-being-auctioned-off-at-Ted-Owen-Company (1)

“Kjo është një mundësi unike për të parë diçka nga arkiva origjinale, që tregon fillimin e asaj çfarë quhet si rruga e jashtëzakonshme e Beyonce për tu bërë një yll”, thuhet në përshkrimin e videove.