Vrasja në Elbasan/ Arrestohet dëshmitari, pse fshehu të vërtetën dhe armën

Policia e Elbasanit ka arrestur sot një të ri, pasi akuzohet se fshehu të vërtetën e vrasjes së ndodhur në fshatin Gur i Zi të Elbasanit, ku 21-vjeçari Altin Hazizi vrau me çifte shokun e tij 18-vjeçar.

Policia tha se ka arrestuar Naim Hazizi, 27 vjeç, banues në fshatin Guri i Zi. Burime nga policia thanë se ai është dëshmitar i krimit ku vdiq Gazment Sllami si dhe dyshohet se ka fshehur edhe armën e vrasjes, një çifte.

Ky person është ndaluar nga efektivat e policisë pasi dyshohet të ketë penguar në zbulimin e së vërtetës për vrasjen e ndodhur më datë 26 nëntor 2016 në një kodër në fshatin Guri i Zi.

Është bërë edhe gjetja e armës së krimit, që u gjet e fshehur në vendin e quajtur “Guri i Keq”, në fshatin Guri Zi.

Grupi hetimor sekuestroi në cilësinë e provës materiale armën e gjahut teke. Dosja i ka kaluar Prokurorisë së Elbasanit për veprën penale “Veprime që pengojnë në zbulimin e së vërtetës