Whatsappi nuk do të funksionojë në disa telefona, zbuloni se cilët

Në fund të këtij muaji Whatsapp nuk do të jetë një aplikacion i cili do të aksesohet nga të gjithë llojet e telefonave. Duke qenë se ky aplikacion ka një përdorim të gjerë në shoqëri, kompania njofton përdoruesit e tij se do të ketë shkurtime në listën e telefonave që e disponojnë këtë shërbim.

Bëhet publike lista e përdoruesve të cilët s’mund ta përdorin më këtë program.
Tek lista e babagjyshit të vitit të ri përdoruesit e telefonave të vjetër IOS, WINDOWS dhe ANDROID duhet të shtojnë dhe Whatsapp-in si dëshirë.

Platforma më e suksesshme e shkëmbimit të mesazheve ka deklaruar se update-timet e fundit të risive teknologjike e kanë rritur shumë cilësinë e këtij programi ndaj dhe është e pamundur të mund të përdoret tek telefonat e vjetër.

Kompania ka deklaruar se prioritet i kësaj kompanie është përditësimi në kohë reale me teknologjinë e fundit. Shërbimet e fundit që i janë shtuar këtij aplikacioni kërkojnë një aparat telefonik më cilësorë ndaj dhe bëhen shkurtime.

Lista e telefonave që ndalojnë së funksionuari ne fund të këtij muaji:
Android 2.1
Android 2.2
Windows Phone 7
iPhone 3GS/iOS 6
Nga qershori i vitit 2017 nuk do të jetë i disponueshëm në këto telefona:
BlackBerry
BlackBerry 10
Nokia S40
Nokia Symbian S60