10 premtimet e Donald Trump në ditën e parë si President

Fituesi i zgjedhjeve presidenciale amerikane, Donald Trump pritet të marrë sot detyrën si presidenti më i ri i Shteteve të Bashkuara të Amerikës. Fushata e Trump ka qenë e ashpër përballë rivales demokrate Hilary Clinton, por ajo që ra në sy gjatë fushatës ishin dhe premtimet e tij.

Revista “Time” sjell një listë me 10 zotimet e Trump, veprime që u ka premtuar zgjedhësve amerikane se do t’i realizojë ditën e parë që do të hynte në Shtëpinë e Bardhë. Në mesin e këtyre premtimeve është edhe ai për dëbimin e më shumë 2 milionë emigrantëve të paligjshëm.

Më poshtë 10 premtimet e Trump:

1-Caktimi i një amendamenti kushtetues mbi kufizimin e numrit të mandateve të kongresmenëve

2– Ndalimi i punësimeve të reja në qeverinë federale për të reduktuar buxhetin. Ushtria, siguria publike dhe shëndeti publik janë të përjashtuara nga ky projekt.

3– Pamundësimi i kryerjes së aktiviteteve lobuese për zyrtarët e Shtëpisë së Bardhë dhe Kongresit për pesë vite pasi lëne qeverinë.

4– Shpallë planet për të rinegociuar Marrëveshjen e Tregtisë së Lirë të Amerikës së Veriut me Kanadanë dhe Meksikën ose tërheqje nga marrëveshja.

5– Tërheqja zyrtare e Amerikës nga Partneriteti TransPaqësor.

6– Heqja e kufizimeve për gërmimin e qymyrit në miniera dhe për shpimet për naftë dhe gaz natyral.

7– Heqja e barrikadave të epokës Obama ndaj projekteve energjetike, të tillë si naftësjellësi Keystone XL.

8– Anulimi i pagesave amerikane për programe mbi ndryshimet klimatike të Kombeve të Bashkuara. Përdorimi i këtyre fondeve për krijimin e infrastrukturës së ujit dhe asaj ambientaliste në SHBA.

9- Ndalimi i të gjithë financimeve federale për shtetet amerikane ku zyrtarët lokalë nuk arrestojnë apo shoqërojnë imigrantët që jetojnë ilegalisht në vend.

10– Ndalimi i emigracionit nga vendet që janë të lidhura me terrorizmin dhe ku verifikimi është i vështirë.