Alfred Peza flet për pasurinë e vet…

Deputeti Alfred Peza e quan të sajuar politikisht gjithë historinë që qarkullon në media në lidhje me pasurinë e tij.
Duke folur në Top Story, ai la të kuptohej se sulmi e ka burimin nga Partia Demokratike për të tërhequr vëmendjen nga hetimi i CEZ-it.

“Këto ditë ka një zhurmë të madhe të madhe përsëri me miliona, siç është hetimi për CEZ-in, ku një i afërm i Qeverisë Berisha ka tërhequr kesh para nga një bankë 7 milion euro”, tha ai.

Këtë sulm, ai e quajti “reciprocitet politik”.

“Ka rreth 10 ditë që gjithkush ka folur për mua përveç meje, tani do doja të sqaroja historinë time personale nga A-Zh, çështja nuk ishte e thjeshtë si lajm portalesh, por u kthye sulm politik nga PD. Një 0 e ka ngatërruar të gjithë historinë

Këto ditë ka një zhurmë të madhe të madhe përsëri me miliona, siç është hetimi për CEZ-in, ku një i afërm i Qeverisë Berisha ka tërhequr kesh para nga një bankë 7 milion euro”, tha ai.

Këtë sulm, ai e quajti “reciprocitet politik”.

“Ka një reciprocitet politik në sulmin tim. Reciprociteti ishte hajde të shpikim një histori paralele në anën e mazhorancës që bën fjalë po për miliona dhe njerëz politikë dhe u gjet historia e Alfred Pezës. Ka një reciprocitet politik, që hajde të shpikim një histori paralele por në anën tjetër, atë të mazhorancës që bëhet fjalë po për miliona, po për bankë, po për para, po për njerëz politikë. Dhe u gjet historia ime. Po pse u gjet tani? Shkrimi që filloi qëllimisht ngjarjen ka pasaktësi, fut fjalën “Skandal”. Ku është skandali këtu kur unë këto i kam deklaruar vetë”, tha ai, duke shtuar se shkrimi fillestar për pasurinë e tij jep me qëllim disa pasaktësi.

Peza shtoi se 1/3 e pasurisë së tij e ka të vënë nga interesat bankare.

“331 milionë fitime nga interesat në historinë time 15-vjeçare në një bankë. 1/3 e pasurisë time që përflitet, ka ardhur vetëm nga interesat bankare duke depozituar kohë pas kohe. Janë të gjithë kurimet e mia familjare.

Normat e interesit kanë qenë të larta. Unë kam 100 milionë lekë vetëm në 20 muajt e fundit të karrierës sime në media. Përveç kësaj, media ka mënyra të ndryshme të ardhurash ka rrogë bazë, ka honoraret, bonuset dhe përqindje reklamash”, u shpreh ai