Banorët e zonave të përmbytura hyjnë në grevë, policia blindon prefekturën e Shkodrës

Në mungesë të gjetjes së një zgjidhje nga shteti, banorët e zonave të përmbytura në qarkun Shkodër pritet të futen sot zyrtarisht në grevë urie në kërkim të dëmshpërblimeve.

Banorët kanë filluar të mblidhen rreth Prefekturës së qytetit.

Orën 09:00 ata kishin lajmëruar si orarin zyrtar për nisjen e grevës. Por të informuar në lidhje me këtë lëvizje, prefektura e Shkodrës ka vendosur të njoftojë policinë.

Këta të fundit kanë blinduar ambientet e prefekturës ndërsa nuk kanë lënë banorët të rrinë edhe në ambientet para saj.