Beteja moderne për Rozafën: Kishë apo xhami?!

11 vjet më parë Ambasada amerikane mbështeti financiarisht restaurimin e objektit të lashtë në kalanë e “Rozafës”, pa ditur se kështu do të nxirrte në sipërfaqe një debat po aq të vjetër dhe delikat: atë se cilit kult, i përkiste ky tempull.

“Ne si Myftini e Shkodrës dhe komunitetit mysliman i Shqipërisë, e kemi parë të paarsyeshme që Kisha Katolike të zhvillojë një meshë njëherë në vit në këtë objekt që ne e themi në bazë të fakteve dhe historisë që është një xhami shumë shekullore”, shprehet Muhamed Sytari, myftiu i Shkodrës.

“Mjafton të lexohet Marin Barleti tek “rrethimi i Shkodrës” për të kuptuar ekzistencën e kishës së Shën Shtjefinit”, thotë Dom Artur Jaku, Famulltar i Famullisë së Shën Shtjefinit.

Objekti i kulturës është shpallur Monument Kulture që në vitin 1948.

“Çfarëdo lloje ndërhyrje restauruese, promovuese e gjithçka, bëhet bazuar dhe konform ligjeve të shtetit”, shprehet Majlinda Laçaj, drejtoresh, DRKK Shkodër.

Nga katoliket ajo quhet Kisha e Shën Shtjefinit, nga myslimanët xhamia e Sulltan Mehmet Fatih. Zyrtarisht asnjë komunitet nuk pretendon pronësinë.

“Ne si KMSH e kemi përdor këtë objekt kulti për shekuj të tëre nuk e përdorim sot, sepse nuk është më edhe i përshtatshëm për të kryer adhurime, pse duhet që një komunitet tjetër, që pretendon një lidhje shumë të lashtë me këtë objekt, të ketë një ceremoni fetare”, shprehet Muhamed Sytari, myftiu i Shkodrës.

Komuniteti katolik pranon se ka kryer rite, por jo sfidë përballë vëllezërve të fesë tjetër.

“Unë personalisht, por besoi edhe Kisha këtu në Shkodër, sikurse të dinte që me të vërtetë, komuniteti mysliman apo baza, apo njerëzit e thjesht, me të vërtetë do të shqetësoheshin sepse ne kremtojmë një meshë atje, unë do isha i pari që isha tërheq në mënyrë që mos të bëhem shqetësim për atë komunitet”, thotë Dom Artur Jaku, Famulltar i Famullisë së “Shën Shtjefinit”.

Rindërtimi i këtij objekti u nis nga amerikanët si kontribut kulturor, por nga rrënojat doli një debat i vjetër është kishë apo është xhami. Por ndërsa dy komunitetet shohin aty secili simbolikën e vet, këto rrënoja nga kalaja e “Rozafës” shohin të gjithë qytetin multifetar, një shenjë në heshtje që ato i përkasin të gjithëve./OraNews/

One thought on “Beteja moderne për Rozafën: Kishë apo xhami?!

  • January 21, 2017 at 4:22 am
    Permalink

    “Nga katoliket ajo quhet Kisha e Shën Shtjefinit, nga myslimanët xhamia e Sulltan Mehmet Fatih.”

    Po kjo qenka fare e lehte per tu vendosur se kujt i perket kasha ne kalane e Shkodres.. Objekti sipas ligjeve te Shtetit Shqiptar i perket atij qe ka truallin.
    Tokae kalase i perket shenjtit Shtjefen apo Sulltanit pushtues nga Turqia. Realisht nuk e di historinje e Shenjtit shtjfen por Shtjefen me tingellon si shume shqiptar sidomos mua qe jam prej Kelmendit megjithse te paret e mi qe nuk e di realisht arsyen me emer na kane lene musliman megjithse jam i bindur se fisi Delaj i Nikcit nuk duhet te ndryshojne nga historia e fisit musliman te Cun Mules se Hotit .
    Kete bindje ma shton mardhenjet dhe respekti vllznor qe ka egzistuar dhe egziston ndermjet Kelmendit Katolik dhe nje fisi musliman ne Nikc e nje shtepie muslimane dikur ne Selce.
    Pra per te mos ikur nga tema dua te them se shqiptaret me gjak te paster shqiptar duhet te rreshtohen krah gjenezes e Atdheut e padyshim trashigimtaret e administrates turke do rreshtoheshin me liderin e tyre Sulltanin.
    Qenja aksidentale ne fene muslimane shqiptaret kurrsesi nuk duhet ti shtyjne qe te rreshtohen kunder gjenezes dhe Atdheut.
    Pa qene sidjues i histories mundet te them me bindje te plote se Shenjti Shtjefen mundet te jete katragjyshi im apo i cdo mbartesi tjeter te religjonit musliman por nuk mund te jete kurre katragjyshi i nje Turku.
    Bashkeatdhetare te kuptohemi se nuk eshte turp te jeshe turk por turp eshte te lejosh turqit qe te zaptojne apo mbajne qe nga pushtimi i tyre pjese apo pellembe te territorit te shqiponjave qe eshte lare me gjak shqiptaresh apo akoma me keq te lejosh pakicat e huaja qe te flasin ne emer te shqiptareve.
    Pakicat kushdo qofshin ato te flasin ne emer te pakicave dhe kombesise se tyre duke i respektuar shqiptaret pasi i kemi tej respektuar ne kuader te respektit ndaj mikut por nuk duhet ti leme te na behen Zot shtepie. Miku sipas tradites shqiptare kur nuk di me mbajt vendin qe i takon atehere i zoti i shtepise eshte i detyruar dhei obliguar me ja tregua vendin ose deren.
    Kur Amerika e madhe po kthehet te ‘Amerika First ” cfare duhet te bejne Shqiptaret qe i kane ndare ne pese shtete dhe kane tentuar qe pervec tokes tju grabisin edhe shpirtin nepermjet religjoneve e gjithecfare marifetesh.
    More shqiptare gjysme te shkolluar se nuk po them gje per ata te shkolluarit se besoj e dine se kush i priu rilindjes kombetare bijte e Nanes Shqiperi , te Gjergj Kastriotit apo Sulltanet e trashigimtaret e tyre.
    I rashe kaq gjate per te kuptuar se nese Xhamia ne kalane e shkodres eshte 300 vjecare pai nuk besoj se eshte me shume pa frike mund te them se kasha e Shejt Shtjefnit me sigur eshte 800 vjecare . Pra kush eshte tabani kombetar dhe perse duhet te shtrohet per diskutim.
    Nese kete problem nuk e zgjidhin religjonet me mirekuptim qe do ishte me mire atehere Shteti Shqiptare nepermjet istitucioneve te trashigimise kulturore duhet ti ktheje shqiptareve te Shkodres historine e tyre.
    Turqit e kane kulturen e tyre te nderuar madje ne Turqi qe fatemirsisht munden me shkua dhe me e shijua atje.
    Respektimi i kulteve te pushtuesit eshte baras me vazhdim te skallaverise por tashme ne kohe te tjera detyrimi per tu zgjuar eshte detyre ndaj Atdheut e gjakut te te parve tane.

Comments are closed.