“Çfarë paralajmëron ndryshimi në retorikën e Trump”

Profesori britanik Paul Breed, në një shkrim analizë të tijën në “The Indepedent” analizon fjalimin e ceremonisë së betimit të Donald Trump si President i SHBA-ve.

Breed, sheh shumë ndryshime në retorikën e Trump President nga Trump kandidat. Ai thotë se Trump e nisi fushatën me fjali të gjata në fjalime, ndërsa në ceremoni ai ka përdorur vetëm fjali të shkurtra.

Ky ndryshim strategjie e gjen përgjigjen te Kenedi. Trump kërkon t’i ngjajë Kenedisë në të gjitha mënyrat, thotë Breen.

Sipas tij, Trump ishte kontrovers në fjalimin e tij. Ai u betua se do të zhdukë radikalizimin islamik në tokë, në një kohë që deri më tani ka thënë se SHBA-të nuk do të jenë më polic të botës, shkruan “Panorama”.

Pra si mund ta zhdukë radikalizimin fetar Trump kur SHBA-të do të mbyllen brenda kufijve të tyre shtetërorë?

Gjithashtu Trump u zotua se do të përmirësojë jetët e shtresave në nevojë, por akti i parë i tij si President ishte anulomi i Obamacare.

Pra sërish lind pyetja se si Trump do të ndihmojë shtresat në nevojë kur anuloi skemën e sigurimeve shëndetësore që u jepte shtresave në nevojë shëndetësi thuajse falas?

Breed mendon se Trump, edhe si President foli sikur ishte në fushatë. Ai bëri premtime futuriste dhe nuk ofroi asnjë zgjidhje praktike.

Vazhdoi me retorikat shekpsiriane si te vepra “Jul Cezari” kur thotë se pushtetin do t’ua japë popullit dhe do ta bëjë amerikën të madhe sërish, por pa përmendur asnjë mënyrë, apo metodë.