Donald Trump – presidentit të Meksikës: Nëse nuk paguani për ndërtimin e murit, s’ke pse vjen në SHBA

Presidenti amerikan, Donald Trump, ka thënë sot se homologu i tij meksikan, Enrique Pena Nieto, duhet të anulojë takimin e tij të ardhshëm në Uashington, nëse Meksika refuzon të paguajë për ndërtimin e murit përgjatë kufirit amerikan me Meksikën.
“SHBA-ja ka një deficit tregtar prej 60 miliardë dollarëve me Meksikën. Kjo është një marrëveshje e njëanshme që prej fillimit të NAFTA-s, me shifra masive… me humbje të kompanive dhe vendeve të punës, “ ka shkruar Trump në llogarinë e vet në “Twitter”, transmeton Express.

Ai ia ka bërë të qartë Nietos që nëse vendi i tij nuk shpreh vullnet për të paguar për murin, atëherë ai s’ka pse ta vizitojë Uashingtonin.

“Nëse Meksika nuk shpreh gatishmëri për të paguar për murin e shumë nevojshëm, atëherë do të ishte shumë më mirë për të që ta anulojë takimin e ardhshëm,” ka shkruar ai.