Dy bashkëpunëtorët në vjedhjen e Bankës së Shtetit mbeten në qeli

Gjykata e Apelit ka vendosur që dy personat e akuzuar si bashkëpunëtorë në vjedhjen e Bankës së Shqipërisë, Ardian Bitraj dhe Mimoza Bruzia, të vazhdojnë të kryejnë dënimin me burg, duke refuzuar kërkesën e tyre për t’u shpallur të pafajshëm.

Ardian Bitraj është dënuar me 13 vjet burg, ndërsa Mimoza Bruzia me 10 vjet.

Të dy kërkuan pafajësi në çështjen e vjedhjes së 713 milionë lekëve nga Banka e Shtetit, ngjarje që shkaktoi një tërmet politik dhe u pasua nga shkarkimi dhe procedimi i ish-­Guvernatorit Ardian Fullani. Ky i fundit e fitoi pafajësinë pas 1 viti.